第47届超级碗乌鸦队总结，虽然迟了不少，还是在这个平台上发下。粤语版的，大家见谅！

lewis

第47届超级碗乌鸦队总结，虽然迟了不少，还是在这个平台上发下。粤语版的，大家见谅！

乌鸦队夺冠，太兴奋喇！我都唔知摞咩言语黎形容。不过总既黎讲呢场系一场经典既、跌宕起伏既，结果令大部分人唔满意，但令我十分满意既赛事。睇住jacoby jones开挂108码回攻既时候，我既心情到达左顶点，但系冇既耐就被最到得2分，我既心情真系谷底到唔知咩样。既然宜家冷静落黎，都系总结下啦。可能有生之年我都唔会再睇岛乌鸦夺冠，就好似唔会再见岛有咁伟大既中线卫咁。以下就以各个分组总结下，分数最高系5星。比赛精彩程度呢，就值得俾5星喇。
教练组  4星
呢场比赛其中一个焦点就系“Harbaugh碗”，咁样既比较其实压力好大。但系john harbaugh出奇意料地响特勤组玩花式，仲要系两次。以结果黎讲，第一次玩得出黎但冇收岛效果。最后时刻仲要Koch咁持球法，真系突然间吓醒左兴奋之中既我。但关键既几秒被消耗左，收到左理想既效果。睇左john harbaugh既乌鸦咁多年，印象中真系未睇过咁既情况，仲要系咁关键既赛事中。真系令眼相看啊john harbaugh。不过讲真，乌鸦今年夺冠你系首功。5年黎一步一脚印咁建设、改造乌鸦队，5年都带队起码取得1场季后赛胜利。而今年，系大丰收既一年，关键系5年黎不断咁累积。今日，终于都可以话压倒死敌钢人成为美北同全美既典范。
赛前大家都知道49人防守既弱点就系响后线度，今场比赛进攻组充分利用呢一点。几次出现接球1v1硬食防守球员既情况，无论系速度定系身体上既硬食。传球线路集中响两边同后场，避开中路。所以上半场乌鸦效率超高。新既防守协调员真系劲，近几场波都可以充分利用岛进攻既优势。而下半场对方气势上左黎，乌鸦防守布置不足既地方都显示出黎。无解既野猫啊，我本人都十分唔中意呢种打法。因为作为一个防守球员，呢种打法太令我头痛喇，特别系有一个运动能力超强既四分卫。当你睇清个波，个带球队员宜家冲左过去喇，连电视枪都经常跟唔上，何况场内压力咁大既防守球员们。而对方一跑左起身，传球就难防喇。好采关键时刻，后场队员既出色防守避免左逆转。
进攻组
四分卫——joe flacco  4星
今场比赛既MVP交出左22/33 287码 3TD，亮点基本都响上半场。今届季后赛11个传球TD平左另一个joe，joe montana同我偶像kurt warner既记录。响今次季后赛，flacco正式从lewis手上接过领袖既班，以出色既表现赢得左关键既比赛同世人既尊敬。我都记唔起flacco上一次俾人抄截系几时喇，呢点可能系俾果两位前辈仲出色既地方。不过当然，果两位前辈冇咁强既防守组帮忙啦。
不过，呢个MVP仲有可以提升既空间既。下半场以跑阵为住既时候，出手机会少，被追分既压力又大。呢个时候表现系失色D。有两次关键既传球帮球队摞岛踢球既分数，不过下半场整体表现系一般。顺境波唔太识打？可能都系唔够全面吧。同两位前辈都系有差距。不过你仲后生，大把机会提高既。总既黎讲，无论系呢场定系季后赛，flacco只可能被扣0.5星，但点解得4星？joe大佬，续约啊。唔好似阿仙奴果班队长咁啊。唔好要2kw咁鬼高啦。咁后生，实力又未达到D传奇咁。而且你呢支系乌鸦队啊，唔系圣徒爱国者啊。可以考虑下好似当年二奶，big ben咁6年9kw左右。加一D奖金，你有1600w一年好唔错喇。快续约！！！
进攻前线  3.5星
赛前我就分析过，进攻前线会系今场比赛既比拼关键。其他位置可能会有明显既强弱对比，但进攻前线既表现系好难预测，但对于成个进攻组系至关重要既。而今场比赛，面对最强中前场防守既冲击，进攻组既表现系算唔错架喇，无论系跑阵开路，定系保护四分卫。虽然仲未系完美罗，flacco毕竟被擒杀2次，仲有几次被big hit岛。不过呢个同flacco既打法需要长时间观察接球落位有关。Kaepernick都被擒3次啦，所以话算唔错喇。可能other既光环冇lewis咁鬼强，不过拒既影响同受关注程度，都照耀着起码成个进攻前线，使拒地同flacco都可以稳定发挥。
跑卫  2星
今场跑卫们既发挥，对住可以话联盟最强既防守，都算中规中矩啦。大部分都系下半场半拖时间式既跑阵，所以效率唔高。不过关键时候都有唔错既发挥，无论要硬冲定系接球都可以摞岛first down。如果除去Kaepernick自己冲果D之外，跑卫加埋冲左成百码都唔系落后49人好多。不过，表现稳定既ray rice居然响咁关键既时候fumbles lost，真系差D俾49人逆转。ray rice摞波一向非常稳，一季持三百次球可能就lost一波，不过就系响咁关键既比赛同时候lost左，使跑位既评分扣左好多。Pierce受伤之后翻黎既表现又跌左唔少。leach系最强既全卫，响呢个年代全卫仲可以生存落黎既，系得好似拒咁强既先可以做岛。不过呢场发挥都一般，可能对方中线防守太犀利喇。
接球  5星
呢度讲既接球除左外接，仲加埋TE同jacoby jones响特勤开挂既表现。好耐之前我都已经讲过，乌鸦既接球一D都唔差，虽然唔可以话联盟最顶级，不过都可以摞优秀黎形容。接球们虽然未达到kevin johnson咁恐怖，但都各有各特点。利用好拒地既长处同四分卫打好配合，再加埋最好既辅助接球跑卫，咁样既接球群系令大多数球队都羡慕既。关键系点样利用好拒地既特点组织进攻play。之前既进攻协调员，每场要flacco传四五十次，咁对于年纪大既Boldin，定系次次都要跑long play既T Smith、jacoby jones黎讲都系太痛苦。而且后备既接球又唔多。毕竟乌鸦要传跑结合既，单靠flacco手臂黎赢波有咁既可能，但几率唔高罗。而新既进攻协调员好识利用各种战术既运用，平衡传跑，传球都有多运用左中短距离既传球，间中利用flacco既天外飞仙黎一次过解决问题。咁样效率明显高左好多，而且悭力。今场比赛外接明显就对住49人薄弱既后线黎食既，打到对手一D声气都冇。当然，下半场对方士气上黎，防守压迫感强左，效率就冇之前咁高。不过关键时候Boldin作为一个经验老道既全明星，都可以企出黎完成关键既推进，为球队不被逆转打下基础。Boldin啊，下赛季你既合同亦都系个问题，你愿唔愿意稍微减小小人工呢？当初warner退休你从红雀加盟乌鸦，我真系高兴到成个跳起身。宜家唔会要睇住你离开挂？综上，接球我俾左4.5星，加上无语既，我唔想再用其它任何形容词黎形容既jacoby jones回攻。呢场波jacoby jones独揽左2个记录，都系关果波开波回攻既。从德州人挖黎左jacoby jones可以话系今年乌鸦最好既收购。
防守组
防守前线  3星
近年黎，乌鸦既防守前线我觉得系变得非常之神经质，官方语言就系好唔稳定。以前既防守前线可以话系稳如泰山，宜家就过山车罗。不过好采，表现唔好系赛季初，后期都慢慢稳定落黎，季后赛整体表现都OK，呢场都OK既响ngata受伤落场之前。Kruger呢个新秀响suggs回归左之后好似开左窍咁，呢场都有两波1v1靠个人能力完成擒杀，可以话系防守前线不多既亮光点。其他人冇太多出采，下半场受压太犀利，响ngata落场之后完全系顶唔住对方既开路。好采响最后关键既时候，响红区既防守仲勉强顶得住，使对方唔可以从中路取得突破。赛后关于ngata既伤势一D报道都冇，呢点肯定架啦。希望拒冇事啦，同埋下年签多一个有实力年纪唔大既球员或者新秀黎补强下防守前线都几必要。
防守中线  1星（光环 5星）
呢场比赛系ray lewis最后一场比赛，亦得到左完美既结局。但过程一D都唔完美，对于lewis黎讲，甚至可以称为难睇。以咁样既方式黎完成自己既职业生涯，以感情黎讲系满分，技术方面黎讲系冇咩分既。上半场既乌鸦time里面，攻防都打得好唔错。唯一既漏洞就系中场中路既防守，讲明就系ray lewis既位，无论外接定系TE走中路都可以揾岛食。速度跟唔上，最弊系人地完成左接球你都擒抱唔住人。上半场基本就拒既位就失左好多码。下半场唔使讲，完全被野猫打爆。照计越有经验既防守线卫对付野猫系越有心得，但成个防守中前线对人地一D办法都冇。而且今场比赛可以见到有几次乌鸦既线卫们响位置占优既情况下出现miss tackle。响以前咁既情况有几可会出现。不过话时话，lewis已经系神黎架喇，拒系果D斋企响场上面，唔使做野就可以令到球队赢波既。呢D咁既光环效应超越左所有意志、精神、甚至战术同体能，成为乌鸦获胜最关键既一环。即使系好似我咁再铁杆既乌鸦队球迷都唔得唔承认，假如个几月之前，ray lewis冇宣布拒会响赛季后退役既话，乌鸦队唔会咁跌荡咁一路过关斩将，摞岛超级碗！可能早就倒左响丹佛既高原上。线卫呢个位置系引缓既重中之重啊，下年冇lewis更加冇拒既光环架喇。
防守后线  4星
相比起冇咩表现既防守中前场，今场比赛防守后线表现得系太出彩喇。赛前都分析到乌鸦既集团式后场防守系好强既，Ed Reed系最好既，Pollard既杀伤力令人汗颜，角卫系几值得担心既。webb重伤赛季报销，唔可以好似lewis咁及时复出。其他既角卫能力系唔算太强。不过对方既接球们都唔强啊，只要集中精神，一样可以防得好好。今场比赛可以算系角卫们既翻身之作。我都唔知几耐未见过Carr Williams有咁生猛，几波破坏传球。Graham季后赛表现一直稳定，间中上下黎既J Smith都一样有表现。我为角卫们咁既表现而鼓掌。后场最唔稳既系Pollard，几次漏人。不过都唔可以太怪拒，因为拒唔惯亦唔擅长咁打，拒既冲撞能力冇办法发挥。如果拒好似Ed Reed咁既盯人同睇位，咁就全明星啦。而响最后阶段，红区既几次防守真系太出色。响线卫低迷既情况下可以贡献咁紧密既后场端区防守，真系抵赞。除左joe同外接们，呢场比赛防守后线系得分最高既。就系Pollard身上扣左一D分。
特勤组  4星
jacoby jones唔讲喇，其他特勤既发挥都好稳定。特别系今场john harbaugh似乎硬要将特勤摆上台既情况下，都有咁稳定既表现，真系难得啊。新秀justin tucker开球同踢球都表现稳定，果波假踢，拒只跑左8码都唔可以怪拒。Koch有一波弃踢系踢失左，俾人回攻左32码，不过拒都好努力自己去追翻tackle翻人。最后时刻Koch唔弃踢而护球果下真系吓死人。冇护住被撞出黎点算。不过好采对方都傻左，上黎得唔快，拒都护得好好。超级碗有特勤既好大贡献。
其他  2.5星
裁判呢场比赛既判罚，可以话对得上超级碗既级别罗。一般系等队员们自己发挥，除左一D太明显既关键判罚，其他好少吹。不过，响乌鸦大幅领先既情况下，裁判明显就有D偏去49人果边。后线防守太大动作，而就只系吹左toss smith一波。但49人差唔多可以逆转既时候，裁判又执翻正，或者讲又有小小偏翻乌鸦呢边。最后49人果波进攻，如果之前咁既动作冇吹既话，果波肯定唔应该吹。因为之前动作俾果波大既都冇吹到。当然裁判都系人，呢场比赛已经吹得唔错喇，不过可能输波既49人迷会怪裁判。作为乌鸦迷，就只能有得你怪罗。
新奥尔良呢个圆顶室内球场真系好靓，不过缺点亦表露无遗。中场表演D烟冇办法散，响火警号，仲要停埋电，搞到比赛中止左35分钟。呢个情况，系咪创历史既呢？唔个光彩既历史都系比赛既一部分，而且差小小就成为22分逆转既历史。NFL超级碗可以被逆转既分数系10分，最近一次就响2010年，圣徒第一节落后10分最后逆转。22分都可以逆转岛，就真系，真系唔知点讲。睇到第四节我已经有咁既预感，好彩最后冇发生。如果乌鸦输左，唔濑停电濑到你死啊。我睇波都等到冻晒，咁重要既比赛搞D咁既野，真系几丢假。
总既黎讲，呢场比赛乌鸦可以赢岛，有实力亦都有运气成分。可能就系因为咁先咁精彩。比赛就打完喇，总结都到呢度啦。乌鸦队同我同万千乌鸦球迷都要好好享受一下呢个喜悦喇！ray lewis走好啦！

einstein li
feb 4 2013

lewis

再说说joe flacco的NFL最高额合同
“合同保障部分5200w，其中sign bonus 2900w，分摊到前5年，每年cap hit（占用工资帽额度）580w。另外，第一年年薪100w，即第一年合同的cap hit为680w，后续年份工资具体数额不详。”
一开始知道joe真的拿去2000w一年，其实当时心情是不太好的。因为超级碗后一年，可能会奠定之后几年的发展，处理人员的合同搞的不好，往往会一落千丈。像圣徒和钢人就是最近的例子。但合同具体条款被公布之后，可以看出保障部分不高，这是年轻人合同的特点。而合同第一年，也给乌鸦留出了一定的工资额度空间来留住其他关键球员，reed boldin，ellerbe等。而过两年，假如joe的表现或者球队成绩不如理想，cap hit压力也大时，只要重组其合同，或者要求其降薪就可以。当然，joe表现太差将其直接解雇也可以，反正2000w不怕找不到好的。drew那份合同保障太高，无论怎么重组最好2年基本球队都难以接受的。不太可能要求其降薪，更不可能将这个记录王解雇。这样圣徒压力真的非常大。还好乌鸦还没到这种绝境。

kimhin

應該有幾多人不習慣你的文字. 還好在下一馬平川!{:soso_e113:}

nygiants_7116

讲真,对Ray Lewis黎讲技术方面都唔可以怪佢. 36喇反应同埋速度一定迟咗少少. Joe Flacco呢排真係犀利......但係我始终觉得佢唔值2000W蚊/____\

有空的闲人

为嘛用粤语写，看得累啊

chan_z_h

硬系觉得Joe Flacco 将会搞到乌鸦硬吾起。

kepadegongzhu3

我很好奇粤语的字和国语都是用同样的输入法么

chan_z_h

kepadegongzhu3 发表于 2013-3-5 23:36  我很好奇粤语的字和国语都是用同样的输入法么

没错，只是我们打出来后，用粤语读出来顺口

kepadegongzhu3

chan_z_h 发表于 2013-3-5 23:44
没错，只是我们打出来后，用粤语读出来顺口

不懂粤语的路过，让你们见笑了。

denniszhtn

就当是边看文章，边学粤语{:soso_e144:}

monster

乌鸦超级碗冠军的确系众望所归..

虽然我都好想见到新秀四分卫可以带领球队拿到超级碗噶天纵之才出现..

不过下年49依然有机会 而乌鸦就渺茫好多了..

bbbcn

我只能说，对着野马的那场比赛都能获胜。或者多多少少已经注定了乌鸦在这一届的比赛中会走得更远。

vinff

nygiants_7116 发表于 2013-3-5 07:15
讲真,对Ray Lewis黎讲技术方面都唔可以怪佢. 36喇反应同埋速度一定迟咗少少. Joe Flacco呢排真係犀利...... ...

就你话多{:soso_e138:}{:soso_e138:}

W635616466

篇野唔错。 支持下！

THXnewnew

北方佬看不懂~大广东独立吧

lewis

究竟是不是因为超级碗已经结束了1个月，所以大家的讨论重点已经是粤语，而不是乌鸦和49人。我是想在各个平台都得到一些意见，以分析下来年乌鸦的走势。说真的，对乌鸦来说，明年真的由为关键。卫冕冠军、领袖退役、四分卫续约等都压到来年。我觉得目标最起码要连续6年进季后赛吧。看着猛虎重组基本完成，钢人寻求再起，乌鸦还能不能在称霸美北已经有点疑问了，更不说卫冕。所以恳求大家的看法，一起分享下吧。
对于我习惯性的写了粤语，再次相大家道歉，希望不要引起大家过多这方面的争论！

nygiants_7116

vinff 发表于 2013-3-6 04:50
就你话多

果断求大Flacco保佑....

vinff

nygiants_7116 发表于 2013-3-6 11:15
果断求大Flacco保佑....

{:soso_e120:}{:soso_e120:}

masterhva

粤语版有些部分不好理解哈

Cavilleria

谁来翻译下，实话看不懂。。。